الإنترنت دلوقتي بيشكل جزء كبير من حياتنا اليومية، عشان كدة بقى مهم جدًا للأطباء يبنوا سمعتهم على الإنترنت ويهتموا بيها بشكل كبير؛ لأن الإنترنت بيمثل قوة الـ Word of Mouth بالنسبة للأطباء، زمان كان المريض بيسأل صحابه وأهله عن دكتور كويس، بس ده كان زمان، دلوقتي المرضى بقوا بيدوروا على الدكاترة وبيشوفوا آراء الناس قبل ما يقرروا يروحوا لمين. عشان كده، لازم تكون حريص في إدارة سمعتك على الإنترنت عشان تبني ثقة بينك وبين المرضى الحاليين أو الجداد. في المقال ده، هعرفك على 6 نصايح مهمة لازم تتبعهم لإدارة سمعتك كدكتور على الإنترنت. 1. موقعك ال إلكتروني لازم يكون احترافي موقعك الإلكتروني أو الـ Website هو أول حاجة المرضى هيشوفوها عشان يعرفوك، هو بطاقتك الشخصية الجديدة اللي على الإنترنت. لازم يكون الموقع فيه معلومات عنك زي: - سيرتك الذاتية والمهنية - الخدمات اللي بتقدمها - آراء وشهادات المرضى اللي عالجتهم - طرق التواصل معاك زي عنوان العيادة، ورقم العيادة خلي بالك، الموقع لازم يكون سهل الاستخدام وسريع، وتراعي ان مريضك ممكن يكون من كبار السن. وكمان يكون شكله م...